[republicaçom] Celebramos outro ano o Dia Nacional da Galiza, o Dia da Pátria, o Dia de Todas e Todos Nós, a simbólica celebraçom da Terra que nos acovilha, sustenta e dá sentido, a que nos ensinou a estar no mundo.
Hoje unimos-nos à louvança do cenário único onde os nossos devanceiros e devanceiras viraram galegos e galegas. Hoje honramos – é preceito da Druidaria – a quem nos precedeu para podermos estar aqui agora e sermos quem somos.
Hoje celebramos o bom da Terra e da nossa cultura e identidade, e reforçamos a nossa vontade em erradicar tudo aquilo que lhe aflige e dana, com umha soa voz.
Muito especialmente, dos Nove Compromissos presentes na nossa religiom hoje o Compromisso com as Raízes, com a Liberdade e com a Independência revelam-se fulcrais em múltiplos sentidos. Fai-se, aliás, um chamamento especial a galegos e galegas em relaçom a um dos princípios básicos da IDG, que é o da defesa da Terra, pois os tempos que vivemos vem como continua a perigar a sua essência, e a do nosso Povo.
Chega entom o momento de enchermos as ruas, fachendosos de nós, cantando o nosso amor pelos “bons e generosos” e nojo pelos “imbecis e escuros”, construindo a berros se for preciso.
Hoje nom pode faltar umha insígnia do País em cada casa, em cada recanto, como símbolo comunitário de uniom e determinaçom do mais grande Clã.
Sintamos no abeiro da Deusa Cale a ligaçom em sagrado pacto à espinha do Dragom. Celebremos!
Bom Dia da Galiza!
“Hoje as campás de Compostela anunciam umha festa étnica, filha, talvez, dum culto panteísta, anterior ao cristianismo, que tem por altar a Terra Nai, alçada simbolicamente no Pico Sacro; por cobertura o fanal imenso do Universo; e por candeeiro votivo, o Sol ardente de Julho” (A.D.R. Castelao, Alba de Glória, 1948)
NOTA: Esta celebraçom nom-religiosa é de cumprimento voluntário para Caminhantes nom-galegos/as mas sim de observância para galegos/as. Iniciados/as na IDG tenhem deveres específicos para este Dia.
Gostas da IDG? Tu podes ajudar a que este trabalho continue – Do you like the IDG? You can help us continuing our work 🙂
Irmandade Druídica Galaica 
4 thoughts on “A Terra que nos sustenta”