Olá “.gal”! 👋

Estreamos domínio agora e para sempre, um .GAL para que fique constância – caso houvesse dúvidas – da nossa procedência e identidade 🙂

O domínio .gal é um domínio de Internet de primeiro nível que identifica tudo aquilo que tem a ver com a língua e cultura galega (até galaica 😉 ). Em operaçom desde 2014, já era hora de fazermos parte tamém dessa comunidade online.

Com isto, o anterior domínio .org utilizado para a IDG ficará operativo ainda por umha boa temporada, mas irá passeninhamente sendo totalmente substituído. Isto é aplicável tamém aos nossos correios-e habituais, que tomam desde já a terminaçom .gal, e ao nosso logótipo institucional, devidamente actualizado.

Avante durvate.gal! 😀

 

 

Advertisement

O “bardo” Benozzo ganha prémio internacional

E com alegria que comunicamos que o poeta, músico, académico e amigo Francesco Benozzo vem de ganhar o muito prestigioso prémio internacional “Poets from the Frontier”.

Este prémio “Poetas da Fronteira” é concedido polo comité do Partnership Studies Group (grupo com membros dos EUA, Austrália, RU, França e Itália) a poetas de renome internacional que se mostraram capazes de conceber a sua arte poética como a criaçom dum novo imaginário, numha perspectiva de acçom concreta.

Benozzo, candidato permanente ao Prémio Nobel de Literatura desde 2015, e que este ano tamém é o nome italiano proposto para o famoso prémio Berggruen de filosofia e cultura, foi definido pola comissom deste galardom que acaba de ganhar como alguém que:

“… cruza diferentes géneros poéticos de forma encantadora e original, equilibrando o poder visionário cumha leitura profunda de paisagens vividas cruzadas numha ‘adesom espontânea’ ao seu ritmo, ao experimentar coa sua voz e o ritmo da harpa numha experiência lírica do mundo natural. Graças ao seu precioso trabalho etno-filológico, social, cultural e ao seu empenho civil conseguiu reviver as antigas tradiçons nativas, dando voz às paisagens ancestrais nas margens e nas serras exploradas como um caminhante que se move ao longo dumha linha ténue, como um acrobata, ao limite da mitologia, da letra e da cançom. A sua ideia de poesia que constrúe ‘habitaçons insólitas’, que ‘se manifesta polo recuo’, sempre implementada nas altas falésias e nos limites das terras emergidas, numha dimensom intemporal e universal, que marca, ao ritmo da o passo dado, é significativo e original, umha inquietaçom positiva, errática e nómade, aberta ao diálogo cos lugares e co canto dos antigos Bardos”.

Parabéns! 🙂

Mais informaçom (em italiano) > aqui <.

Umha velha entrevista de nosso com o Francesco > aqui <.

 

Voltamos a Pitões!

Finalmente! 🥳 Com umha cancelaçom em 2020 e umha ediçom totalmente online em 2021 por causa da covid, agora já podemos dizer que no 7 e 8 de Maio estaremos, novamente, na nossa querida aldeia de Pitões das Júnias para as X Jornadas Galaico-Portuguesas.

Estes foram dez anos nos que Pitões consolidou como um ponto essencial de encontro, debate e celebraçom da nossa cultura ancestral.

Ainda mais: neste ano o Durvate Mor da IDG estará presente para falar, entre outras cousas, dum outro aniversário, o da própria Irmandade Druídica Galaica 🙂

Sem mais demora, eis o programa final:

Sábado 7 de Maio
1º Painel (manhá) – apresenta Maria Dovigo (AGLP).
09:30 Apresentaçom formal do acto.
10:00: “O celtismo que vem. Alguns exemplos na Galécia do século XXI”, com Xoán ‘Milésio’ Paredes (IDG).
10:40: “Quem é a velha?”, com Lídia Marinho (SAGA).
11:20 “Permanências culturais celtas no nordeste do Brasil”, com Eduardo Henrique [online].
12:00: Debate.
13:30 Comida e descanso.

2º Painel (tarde) – apresenta Maria Dovigo.
16:00: “Aplicaçom das novas tecnologias na divulgaçom histórica e patrimonial no século XXI”, com Carlos Paz e Anxo Miján (CIAG).
16:45: “As viagens de Santo Amaro. Os Imramma”, com Xurxo Souto.
17:30: Descanso.

3º Painel (tardinha) – apresenta Maria Dovigo.
18:00: “Projeto Lanobriga: Umha cidade galaica”, com Paco Boluda.
18:45: Debate.
19:15: Descanso.
19:45: Actuaçom musical de Mileth (versom acústica reduzida).
20:30: Ceia.

Domingo 8 de Maio
10:30: Roteiro arqueológico por Bande, guiado por Eloi dos Freiria.

NOTA: Pregamos aos membros da IDG contactarem com a entidade para um acto de carácter estritamente espiritual (fora de programa).

O evento é organizado pola amiga A.C. Desperta do Teu Sono, Junta de Freguesia de Pitões das Júnias (Concelho de Montalegre), entre outros, com colaboraçom e apoio de várias outras entidades onde se inclui a nossa Irmandade Druídica Galaica.

Todas as actividades próprias das jornadas (palestras e visitas) som de acesso totalmente livre e gratuito, nom assim as dormidas e refeiçons, como é lógico. Recomenda-se reservar alojamento em Pitões com suficiente antecedência já que polo tamanho da aldeia a oferta turística é limitada.

 Novidades nesta ligaçom aberta em Facebook.

Ps. Estas X Jornadas estarám dedicadas à memória do grande professor Higino Martins (1947-2021).

 

 

Gostas da IDG? Tu podes ajudar a que este trabalho continue – Do you like the IDG? You can help us continuing our work 🙂