Posts Tagged ‘Roteiro’

Cheiro de castanha, aviso de Magusto

Castanha, alimento do Além

Castanha, alimento do Além

Já cheiramos as primeiras castanhas assadas nas ruas, e isso só poder significar que chega o momento mais emblemático do nosso calendário: a época do Magusto, a Noite dos Calacús, de Samhain (que alguns chamam de Halloween), a noite dedicada aos nossos Devanceiros e Devanceiras, quando abrem as portas do Além e fecha-se o ciclo do ano.

Esta é umha festa da tradiçom Druídica celebrada por muitos milhons de pessoas em todo o mundo como data popular. Desta vez, nós festejaremos tamém a apariçom pública da IDG há 5 anos, no Magusto de 2011.

Começaremos no serám do 31 de Outubro com o VI Roteiro da Pantalha, seguido do já tradicional banquete de fim de ano celta e posterior convívio e sessom de contacontos (ver actualizaçom das actividades dos dias 1 e 12 no final deste texto).

A Pantalha deste ano sairá do centro da vila de Cerdedo (Terra de Montes) às 20h30, para depois do roteiro enfiarmos de carro até a aldeia de Pedre, a uns escassos 4 km. Como sempre, o roteiro nocturno é gratuito e de livre assistência, mas lembrade que a ceia (22h30) e dormidas na Casa Florinda de Pedre sim tenhem custo e que as vagas som bastante limitadas, requerendo-se reserva prévia directamente com a Florinda. É muito importante tamém trazer calçado ajeitado e boa iluminaçom, pois o percurso será às escuras e pode que as condiçons climáticas nom estejam do nosso favor.

Este é um evento que sempre tem para nós um importante valor simbólico e emocional além do obviamente religioso, pois foi poucos dias depois da primeira ediçom da Pantalha quando nasceu a IDG, a poucos metros do local de reuniom habitual em Pedre. A tradiçom do Roteiro da Pantalha – começada pola querida A.C. Amigas da Culturaé continuada agora polo colectivo Capitán Gosende, umha festa reivindicativa onde a IDG gosta de prestar o seu apoio. Ver >aqui< fotografias da ediçom anterior.

Aproveitade pois para celebrardes a magia da Nossa Terra entre amigos e amigas, entre pessoas afins. É um momento ideal para umha pausa, para a reconexom e confraternizaçom, para conhecerdes tamém a gente da Irmandade.

Importante: Estas actividades tenhem carácter cultural e celebratório mas nom estritamente religioso. Para interessadas/os em ritos religiosos será preciso contactar directamente e com antecedência com a IDG (idg @ durvate.org). O Durvate Mór estará presente nos actos do dia 31. Um texto de teor religioso será publicado neste mesmo espaço nesse dia 31.

vipantalha

pitoes_celta_2016ACTUALIZAÇOM (22 Out): Como em ediçons anteriores, a associaçom amiga Desperta do Teu Sono (DTS) co-organiza actividades de Magusto para os dias 1 e 12 de Novembro, que contam com o total apoio da IDG e onde membros regulares da mesma estarám presentes.

Nomeadamente, o dia 1 de manhã terá lugar o II Roteiro de Anumão, umha visita às terras da Deusa Anu na Serra do Gerês. No serám do dia 12, a Junta de Freguesia de Pitões das Júnias (Montalegre) organiza o III Magusto Celta, conjuntamente com o DTS. Visitade as ligaçons indicadas para toda a informaçom logística e outros detalhes.

Nota: Estes eventos som de livre assistência e de carácter festivo-popular, cultural e celebratório, nom estritamente religioso.

 

Gostas da IDG? Tu podes ajudar a que este trabalho continue – Do you like the IDG? You can help us continuing our work 🙂

Anúncios

Magusto especial carregado de actividades

Pantalha_2015

Não percas o Magusto e Ano Novo celta na maior noite do ano (clica para alargares)

O cheiro a castanha assada avisa… chega o momento mais emblemático da nossa religiom: o Magusto, a Noite dos Calacús, de Samhain (que alguns chamam de Halloween), umha festa da tradiçom Druídica celebrada por milhons de pessoas em todo o mundo como data popular. E neste ano especial a IDG convida-vos a três eventos.

Começaremos no serám do 31 de Outubro com o V Roteiro da Pantalha, seguido do banquete de fim de ano e posterior convívio, com sessom de contacontos e até prémios. Este é um evento que guarda um importante valor simbólico e emocional, pois foi poucos dias depois do primeiro quando nasceu a IDG, precisamente no local de reuniom, a aldeia de Pedre (Cerdedo). Cinco ediçons depois celebraremos isso e o facto de a IDG ter recebido finalmente a sua oficializaçom. Combinamos na Eira Grande de Pedre às 19h30 para o roteiro nocturno (gratuito e de livre assistência), para a partir das 22h reunir-mo-nos em Casa Florinda. Lembra-se que o banquete sim tem custo assim como as dormidas (para quem quiser ficar) e que as vagas som limitadas, requerendo-se reserva prévia directamente com a Florinda.

O Roteiro da Pantalha está organizado pola A.C. Amigas da Cultura e o colectivo Capitán Gosende, com o apoio e colaboraçom da IDG. É importante trazer calçado ajeitado e boa iluminaçom, pois o percurso será às escuras e pode que as condiçons climáticas nom estejam do nosso favor.

No dia a seguir, domingo 1 de Novembro, membros da IDG estarám presentes de manhã (11 hora local) no Roteiro ao santuário de Anumão, combinando em Entrimo, na beira norte da raia galego-portuguesa. Saudaremos o novo ano na natureza, conhecendo um pouco mais da nossa história, património e Deidades. Esta actividade está co-organizada polo colectivo Desperta do Teu Sono, Sociedade Antropológica Galega (SAGA) e IDG.

E ainda falta por confirmar detalhes, mas podemos antecipar uma celebraçom popular do Magusto em Pitões das Júnias (Montalegre, na beira sul da raia) o sábado 14 de Novembro, num evento organizado pola Junta de Freguesia local, com o apoio do DTS, Oinaikos Bracaron e IDG. A data nom é em absoluto tardia pois nom só o Magusto é umha época extensa, se nom que o momento de observância sacerdotal é em verdade do 10 ao 11 de Novembro, algo provocado pola mudança do calendário juliano ao gregoriano na sua altura.

 

Aproveitade pois para celebrardes a magia da Nossa Terra entre amigos e amigas. É um momento ideal para umha pausa, ré-conexom e confraternizaçom, para conhecerdes tamém a nossa Irmandade. É hora de fechar a Roda do Ano e ficar prestes para quando abram as portas do Além.

 

Importante: Estas actividades tenhem carácter cultural e celebratório, mas nom estritamente religioso. Para interessadas/os em ritos religiosos será preciso contactar directamente com a IDG (idg @ durvate.org). O Durvate Mór estará presente no primeiro e último evento (dias 31 e 14 respectivamente). Um texto de teor religioso será publicado neste mesmo espaço no dia 31.

 

Gostas da IDG? Tu podes ajudar a que este trabalho continue – Do you like the IDG? You can help us continuing our work 🙂

Roteiro da Pantalha, e vam quatro!

Cartaz deste IV Roteiro da Pantalha, 2014

Cartaz deste IV Roteiro da Pantalha, 2014. Vem celebrar o Magusto e o Ano Novo celta! (clica para alargares)

Giamos, a metade escura do ano, é já umha realidade acompanhada por fim do tempo Outonal. A chamada ‘Maré de Magusto’ apanha fôlegos e toda crente Druídica decerto sente a iminente chegada do aninovo celta, a festa do Samain, Halloween, a nossa época de Magusto, nomes todos que nom deixam de fazer referência e este tempo tam especial, a principal celebraçom do ano, quando o ar enche-se de cheiros a castanha assada.

Assim, na sua quarta ediçom, a A.C. Amigas da Cultura e o colectivo Capitán Gosende organizam um novo Roteiro da Pantalha (nome local da Estadea ou ‘Santa Companha’), após o grande sucesso das ediçons anteriores (ver, como exemplo, algumhas fotos do 2011, 2012 e 2013). Tamém, como nas outras ocasions, a Irmandade Druídica Galaica estará presente apoiando esta iniciativa de convívio para conhecermos melhor as antergas tradiçons da nossa terra e celebrarmos em comunidade.

A noite mais especial – do 31 de Outubro ao 1 de Novembro – começará às 20h com umha caminhada desde a aldeia de Pedre (Cerdedo, Terra de Montes), que rematará com um generoso banquete e sessom de conta-contos participativa na Casa Florinda (Pedre).

Para apontar-se à ceia (18€) ou para dormidas (15€/pessoa, almoço incluído, vagas muito limitadas) é precisa reserva com o próprio estabelecimento (Tlf. 687 742323 / 986 753180; correio-e florindarural@gmail.com).

A simples assistência e a caminhada estám, obviamente, livres de todo custo.

É altamente aconselhado trazer calçado ajeitado para terrenos molhados e irregulares e boa iluminaçom (tradicional e/ou eléctrica), pois o percurso encontrara-se na mais absoluta escuridom e pode que as condiçons climáticas nom estejam do nosso favor.

 

Importante: Esta actividade acima anunciada tem carácter cultural e celebratório mas nom estritamente religioso. Para as/os Caminhantes interessadas/os no rito religioso será preciso contactar directamente com a IDG (idg @ durvate.org). Aquelas/es que nom o fizerem e os seus nomes nom forem confirmados nom poderám participar no ritual da IDG. Um texto de carácter religioso será publicado neste mesmo espaço, aliás, mais próximo da data em questom.

 

Gostas da IDG? Tu podes ajudar a que este trabalho continue – Do you like the IDG? You can help us continuing our work 🙂

Preparando o Magusto e o ‘Roteiro da Pantalha’

Cartaz da já terceira edição do 'Roteiro da Pantalha'. Vem celebrar o Magusto e o Ano Novo connosco!

Cartaz desta terceira edição do ‘Roteiro da Pantalha’. Vem celebrar o Magusto e o Ano Novo celta connosco! (clica para alargares)

Por terceiro ano consecutivo a A.C. Amigas da Cultura e o colectivo Capitán Gosende organizam mais um Roteiro da Pantalha (nome local da Estadea ou ‘Santa Companha’), após o sucesso das ediçons anteriores.  Tamém, como nas outras ocasions, a Irmandade Druídica Galaica estará presente apoiando esta iniciativa de convívio para conhecermos melhor as antergas tradiçons da nossa terra e celebrarmos em comunidade o ano novo e a época de Magusto (Samain), que começa em breve.

A noite mais especial do ano – do 31 de Outubro ao 1 de Novembro – começará às 20h com umha caminhada desde a aldeia de Pedre (Cerdedo, Terra de Montes) até o santuário de Serrápio e volta, e rematará com um generoso banquete e sessom de conta-contos  participativa na Casa Florinda (Pedre). Para apontar-se à ceia (18€) ou para dormidas (15€/pessoa, almoço incluído, vagas muito limitadas) é precisa reserva com o próprio estabelecimento (Tlf. 687 742323 / 986 753180; correio-e florindarural@gmail.com). A simples presença e a caminhada estám, obviamente, livres de todo custo.

É altamente aconselhado trazer calçado ajeitado para terrenos molhados e irregulares e boa iluminaçom (tradicional e/ou eléctrica), pois o percurso encontrara-se na mais absoluta escuridom e pode que as condiçons climáticas nom estejam do nosso favor.

Importante: Esta actividade acima anunciada tem carácter cultural e celebratório mas nom estritamente religioso. Para as/os Caminhantes interessadas/os no rito religioso será preciso contactar directamente com a IDG (idg @ durvate.org). Aquelas/es que nom o fizerem e os seus nomes nom forem confirmados nom poderám participar no ritual da IDG. Um texto de carácter religioso será publicado neste mesmo espaço, aliás, mais próximo da data em questom.

 

Gostas da IDG? Tu podes ajudar a que este trabalho continue – Do you like the IDG? You can help us continuing our work 🙂

 

Já chegou o novo ano, e as imagens da sua celebraçom

Participantes no roteiro desta edição antes da marcha.

Já estám disponíveis algumahs fotografias do II Roteiro da Pantalha e celebraçom do Magusto-Ano Novo Celta. É só visitar a nossa página em facebook para vê-las (essa página é pública e aberta, isto é, nom é preciso ter conta nesse serviço para visualizar todos os seus conteúdos).

A IDG quer aproveitar esta ocasiom para parabenizar à associaçom convocante e organizadora do roteiro e ceia, a A.C. Amigas da Cultura, assim como o colectivo apoiante Capitán Gosende, polo sucesso total de tam fantástico evento. A IDG quer agradecer tamém à Casa Florinda a sua amabilidade e eterna boa disposiçom.

Orgulha-mo-nos de ter participado nestas actividades todas com tam especial gente.

 

Mais resenhas na imprensa local e entrevista na Rádio Galega a C.Solla, membro do colectivo Capitán Gosende, explicando as recentes actividades, o significado verdadeiro da zona visitada e nomeando a IDG.

 

PD. Note-se que nom hai imagens do ritual de Magusto propriamente dito por ter sido este ano um acto exclusivo para Caminhantes.